لعبه جريمة عملتها و انت صغير ....@!@

تعال / تعالي هون واكتب لنا شو هي الجريمه اللي سويتها وانت صغير

عملت طوشة مع ولد جيرانكم monkey

نتفت شعر أختك Evil or Very Mad

فقعت راس أخوك بالكاس

والا وانت تمزح معه فقعت عينه monkey

او سرقت بسكليت Very Happy

يعني اي شي المهم اي نوع من الجرايم
أنتوا فاهمين قصدي طبعاً

دعوه مني لجميع الأعضاء والمشرفين والإداره للمشاركه في هذه الجرائم

ونحنا صغار 4 و 5 سنين
قعدنا عند دار عمتي لحتى ماما تولد أختي مريم

جبنا سكر ورشيناه على السجاد بكثرة
ما تسألوني ليش عملنا هيك ؟ هاد اللّي صار
وخفنا عمتي تبهدلنا فجبنا مي وغرقنا السجادة وقعدنا ندعس عليها بانبساط
طبعًا النتائج كانت عملنا قطر والقطر صار ينقط من ملابسنا
صرنا طبق حلو يحتاج إلى القتل
أخيرًا
أجت عمتي ضربتنا قتلتنا خلّصت علينا وجلت الجليات
قصدي جليات الحلو والسجاد
سامحينا يا عمتو
[ندعوك للتسجيل في المنتدى أو التعريف بنفسك لمعاينة هذه الصورة]

كل هاد عملتوه لأني أجيت عالدنيا .. شكراً عالترحيب .. وبتستاهلوا الكتله [ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههه
والله ما عرفتك يا طوبى...
بس والله ذكريات الطفولة من أروع الذكريات الي ممكن تمر ع الإنسان....

مين ما يحب طفولة والله كنا بريئين روحوا والله عيشة حلوة كانت

" كنا بريئين "
ليش محمد ؟ بعيد الشر ما أنت لساتك طفل
بس تصير 18
تعال راجعني

يلا ما في جرائم
حد يتزكّر جريمة ويكتبها إلكم بعدها أحكيلكم عن جريمة
ل مس مريم ونحنا صغار

وانا صغيرة كان عند عمي عش حمام عالسطوح وكان فيه زغلول عمره يوم أخدته وعملتله شاور تحت الحنفية طبعا الزغلول الله يرحمه وانا اتبهدلت بهدلة مرتبة

يا رب مريم ما تزعل مني
ونحنا صغار بابا دخل عالمطبخ
لقى مجموعة من الفطاير مأكول منها لقمة ومرميّة
راح جمّعنا كلنا الأربعة
وحكى مين اللي أكل منهم ؟
الكل حكى مو أنا
فكّر بسرعة وقال: اعترفوا قبل ما أقيس اللقم على تمامكم (أفواهكم)
راحت مريم اعترفت بجريمتها وحكت أنا يا بابا .. أنا يا بابا بس ما تعاقبني
وكان عقابها إنها تاكلهم
[ندعوك للتسجيل في المنتدى أو التعريف بنفسك لمعاينة هذه الصورة]

لو انا مكان مريم كان ضربتك!!!!!

لما كان عمري 14 سنة كنا انا وكل اهلي كنا طالعين مشوار واول ما رجعنا عالبيت خطرت ببالي فكرة رحت المطبخ
جبت صنية وحطيت عليها 4 فناجين قهوة وصبيت فيهم قهوة كانت موجودة بالغلاية من اول
ولما فاتت ماما عالمطبخ ......واااااااااااو
مين اللي فات عالدار بغيابنا وشرب قهوة؟؟؟؟؟؟؟؟؟؟؟؟؟
اهلي ضلوا مصدومين ومش عارفين شو يحكو ولا شو يعملوا بس انا حزنت عليهم واعترفت
وهم اخدوا الموضوع بروح رياضية عادي!!!!!!

ما عرفتك أفكار شيطانيّة
عجبتني

انا لما كنت صغيره كنت بالروضة ..

اجت بنت صديقه امي وجلسنا نلعب بالمقص ..

وبعدها قصيت كم خصله من شعرها وخفت لا تقول لامها قلت لها انتي قصي كم خصله من شعري ههههههههه ..

ولما درت امي نزلت فيني صراخ ~

متل جريمة احمد ومريم
ونحنا صغار طلعت موضة قصة البطة للبنات وقصة المارينز للأولاد
سبحان الله اخواني ما شاء الله تبارك الله عندهم صار فن القص فبلشوا يقصوا لبعض بالآخر أحمد عملتلو مريم شوارع
واحمد عمل لمريم خصل صغيرة وكبيرة بشكل مريع
الحل أحمد حلقولوا عالزيرو ومريم قصّولها فرنسي

» عش حياتك كــــــــــ طفل صغير
» لعبه ماذا تعني لك الكلمه